परियोजनाका घरधुरीमा इन्टरनेट सेवा पुर्याउने सम्बन्धी सिलबन्दी बोलपत्र आव्हान
पुन: प्रकाशित मिति : २०८० फागुन १४
Development Project Service Centre (डिप्रोक्स-नेपाल) एक गैर सरकारी संस्था हो । यस संस्थाले, Jersey Overseas Aid (JOA)] को आर्थिक सहयोग र Practical Action को अगुवाईमा Empowering Women Farmers with Digital Finance, Nepal (समुन्नति डिजिटल फाईनान्स परियोजना) दाङ्ग, रोल्पा र रुकुम पूर्वका तल उल्लेख भएका ८ स्थानीय तहहरुमा सञ्चालन गरिरहेको छ । यस परियोजनाले सेवा दिनुपर्ने ५,५०० घरधुरीमध्ये अधिकांश घरधुरीमा इन्टरनेट सेवाको पहुँच नभएको सन्दर्भमा सो सेवा उपलब्ध गराई डिजिटल प्रविधिमार्फत वित्तीय सेवा, बजारसँग सम्पर्क र सूचना सेवाको प्रयोग गर्न सक्ने अवस्थामा ल्याउनका लागि इच्छुक इन्टरनेट सेवा प्रदायकहरुबाट मिति २०८० माघ ७ गते १५ दिनको समयावधि राखी राष्ट्रिय पत्रिका कारोबार दैनिकमा सिलबन्दी बोलपत्र आह्वान गरिएको थियो । उक्त सूचनाका आधारमा एउटा मात्र रीत पुगेको प्रस्ताव पेश हुन आएकोले सोही कामको लागि पुन: यो सूचना प्रकाशित गरिएको छ । योग्य र ईच्छुक इन्टरनेट सेवा प्रदायकहरुले तल उल्लेखित विषयहरु खुलाई डिप्रोक्स(नेपाल पो.व.नं १०९५३, काठमाडौं वा परियोजनाको कार्यालय दाङ्गमा २०८०/११/२० गते कार्यालय समयभित्र सिलबन्दी बोलपत्र पेश गर्न सक्नुहुनेछ । प्रथम पटक प्रकाशित सूचना अनुसार रीतपूर्वक बोलपत्र पेश गरेको बोलपत्रदाताहरुको हकमा भने वित्तीय प्रस्ताव मात्र पेश गरे पुग्नेछ । पहिले धरौटी रकम बुझाएकाले पुन: धरौटी रकम बुझाउनुपर्ने छैन ।
स्थानीय तह | घरधुरी संख्या |
---|---|
दंगीशरण, दाङ्ग | ९२० |
शान्तिनगर, दाङ्ग | ९५० |
रुन्टीगढी, रोल्पा | ५०० |
थवाङ, रोल्पा | ६०० |
परिवर्तन, रोल्पा | ८५० |
त्रिवेणी, रोल्पा | ७२० |
भुमे, रुकुम पूर्व | ६६० |
पुथा उत्तरगंगा, रुकुम पूर्व | ३०० |
१. दाङ्ग, रोल्पा र रुकुम पूर्वमा कुनै न कुनै किसिमको इन्टरनेट सेवा दिएको कुनै प्रमाण संलग्न ।
२. परियोजनाले सेवा दिएका/दिने स्थानीय तह र मोटामोटी घरधुरी संख्या दायाँ तालिकामा उल्लेख छ ।
यी मध्ये कति स्थानीय तहका कति कति घरपरिवारलाई सेवा दिन इच्छुक रहेको हो खुलाई प्रत्येक स्थानीय तहका लागि छुट्टाछुट्टै लागत मूल्य प्रस्ताव गर्नुपर्नेछ ।
३. परियोजनाले पहिलो चरणमा १५०० घरधुरीलाई सेवा दिने लक्ष्य राखेको छ र इन्टरनेट सेवा लिन इच्छुक घरधुरीको तथ्यांक लिने काम भइरहेको छ । यी परिवारलाई इन्टरनेट सेवा जडान गर्न र वार्षिक इन्टरनेट शुल्कमा केही अनुदान उपलब्ध गराइनेछ ।
४. सो सिलबन्दी २०८०/११/२२ मा दिनको २.०० बजे डिप्रोक्स(नेपालको कार्यालय, थापाथली, काठमाडौं र परियोजनाको कार्यालय दाङ्गमा एकैसाथ खोलिनेछ । सो दिन सार्वजनिक विदा पर्न गएमा त्यसको भोलिपल्ट सोही समयमा खोलिनेछ ।
५. एउटा फर्मले कम्तिमा ५०० घरपरिवारलाई सेवा दिने प्रतिवद्धता गर्नुपर्नेछ । परियोजनाले छनोट भएको जानकारी दिएको १ हप्ताभित्र सेवा प्रदायक कार्यालयमा आई सम्झौता गर्नुपर्नेछ । सेवा प्रदायकले तोकिएका शर्तहरुको पालना गरी सम्झौताको २ महिनाभित्र सम्म अधिकाँश घरधुरीमा सेवा जडान गर्नुपर्नेछ ।
६. सिलबन्दी बोलपत्रमा तल उल्लेखित विवरण राख्ने ।
विवरण | संख्या | कैफियत |
---|---|---|
इन्टरनेट प्रविधि | तारसहित वा ताररहित | |
स्पीड | ……. MBPS | |
सेवा दिने | स्थानीय तहको नाम | |
जडान शुल्क (१ पटक), ६ महिनाको शुल्क सहित | ||
६ महिनाको मासिक शुल्क | सम्बन्धित घरधुरीबाट ऐच्छिक रुपमा भुक्तानी भई नवीकरण हुने |
७. सिलबन्दी बोलपत्रका साथ, निवेदक फर्मको दर्ता, नवीकरण, करचुक्ता लगायतका कानूनी कागजात एवम् प्रमाणपत्रहरु पेश गर्नुपर्ने । बोलपत्रका साथ रु ५,००,००० संस्थाको नबिल बैक लि. को खाता नं ९६०१०१७५००११० मा धरौटी स्वरुप जम्मा गरी सक्कल भौचर प्रति समेत पेश गर्नुपर्नेछ ।
माथिका विवरणहरु संलग्न नभएका वा अस्पष्ट भएका सिलबन्दीलाई प्रतिस्पर्धामा समावेश गरिने छैन । यदि आवश्यक भएमा संस्थाले आवेदकहरुवीच काम विभाजन गरी सम्झौता गर्न सक्नेछ । फर्मको छनोट गर्ने नगर्ने वा यो सूचना खारेज गर्ने समेतको अधिकार संस्थामा निहित रहने छ ।
सम्पर्क: डिप्रोक्स–नेपाल, थापाथली ,काठमाडौ, फोन नं: ०१—५३३०१७५, ०१—५३४४७२३, पोष्ट बक्स १०९५३